Бидний тухай товч түүх

2003 оны 3 дугаар сард анхлан бие хамгаалагч, хамгаалалтын ажилтан бэлтгэх сургалтын төв хэлбэрээр үүсгэн байгуулагдсан. Улмаар өөрсдийн сургаж бэлтгэсэн залуусын мэдлэг чадварт тулгуурлан, иргэд, байгууллагын өмч хөрөнгийг хамгаалах хамгаалалтын үйл ажиллагаа эрхлэх тусгай зөвшөөрлийг авч, “СОР Секьюрити” оноосон нэртэй аюулгүй байдал, хамгаалалтын алба болон бүтэц зохион байгуулалтын өөрчлөлт хийж, ажиллаж эхлэснээс хойш өнөөдөр 10 жилийн ойтойгоо золгож байна.

Байнгын Сайжруулалт – Бидний Амжилтын Үндэс

Аюулгүй Байдал Хамгаалалтын Байгууллагын үйл ажиллагааны онцлог нь цэрэгжилт байдал, зөв шудрага ёс суртахуун, үүрэг хариуцлага, дээд зэргийн сахилга бат зохион байгуулалтыг шаардаж байдаг. Үүнийг хэрэгжүүлсэн чанартай үйл ажиллагааг хангахын тулд бид 10 жилийн үйл ажиллагааны туршлага дээр тулгуурлан өөрсдийн боловсруулсан тусгай стандарт, хэм хэмжээг мөрдлөгө болгон ажиллаж мэргэжлийн мэдлэг, ур чадварыг эрхэмлэсэн хариуцлага хүлээж итгэл даах үнэ цэнэтэй эвсэг хамт олныг бий болгож чадсан. Энэ байдлаараа бид бусдаас ялгарч чаддаг бөгөөд энэ нь манай байгууллагын давуу тал амжилтын үндэс хэмээн үздэг.

Монгол улсын нутаг дэвсгэр дээр хуулийн дагуу оршин амьдарч байгаа дотоод, гадаадын хөрөнгө оруулагч, үйлчлүүлэгчийн эрүүл мэнд, өмч хөрөнгийн бүрэн бүтэн байдал, учирч болзошгүй аливаа гэнэтийн болон төлөвлөсөн гэмт үйлдлийг таслан зогсоож, аюулгүй орчинг бүрдүүлэх мэргэжлийн ур чадвартай үндэсний шилдэг хамгаалалтын алба болох нь бидний үндсэн үүрэг, эрхэм зорилго мөн.

Өөрсдийн үнэт хөрөнгө болсон ажиллах хүчин болон үйлчлүүлэгчдийг ажлын байрны эрсдэл, гэмтлээс урьдчилан сэргийлж аюулгүй ажиллагааны дүрэм журам стандартыг чандлан мөрдөж ажилласнаар “ОГТ ЭРСДЭЛГҮЙ” байх нөхцлийг бүрдүүлэх.

Үйлчилгээний төрөл:

Уул уурхайн хамгаалалт

Баяжуулах болон боловсруулах үйлдвэрийн хамгаалалт

Барилга байгууламж, үйлдвэр үйлчилгээний газрын хамгаалалт

Хувийн шадар хамгаалалт

Анхны тусламжийн үйлчилгээ

Хөдөлмөр Хамгаалал, Аюулгүй Ажиллагааны Менежемент

СОР хамгаалалтын албаны хамгаалагч миний бие тангараглах нь:

Гэрээгээр хүлээсэн үүрэг, хууль журам, хүнлэг ёсыг сахиж, хамгаалагч хэмээх эрхэм албыг дээдэлж, ажил үүргээ биелүүлэхдээ байгууллагын дотоод эв нэгдэл, сахилга дэг журмыг чандлан мөрдөж, үүрэг даалгаврыг ёсчлон биелүүлж, өөрийн эрх үүргийн хэмжээнд буюу Сор хамгаалалтын албаны хамгаалалтанд буй аливаа хүний амь нас, эрүүл мэнд, обьект, эд хөрөнгийн бүрэн бүтэн байдлыг тэргүүн зэргийн ур чадвар, авхаалж самбаа, сонор сэрэмж гарган хамгаалж ажиллахаа батлан тангараглаж байна. Хамгаалагч би:
Аливаа зөрчил дутагдалтай үл эвлэрнэ
Албаны нэр хүндийг өндөрт өргөнө
Үнэнч шударгыг ямагт эрхэмлэнэ
Үүрэг хүлээвэл үл няцна
Үг үйлдэлдээ хариуцлага хүлээн, сэтгэл зүтгэлтэй ажиллахаа батлан тангараглаж байна.
Хэрэв өргөсөн тангарагаасаа няцваас итгэл эвдсэнд тооцож, хамт олон,хуулийн өмнө хариуцлага хүлээхэд бэлэн гэдгээ батлан ТАНГАРАГЛАЯ ТАНГАРАГЛАЯ ТАНГАРАГЛАЯ

CPA групп нь 1997 он байгуулагдсан. Уул уурхай хамгаалалт, далайн тээвэрлэлт боомтын хамгаалалт, аюулгүй ажиллагаа тусгай сургалт, хамгаалалтын зөвөлгөө зэрэг бүхий л төрлөөр үйлчилгээ үзүүлж буй Австрали улсын томоохон байгууллагын нэг юм. Байгууллагын төв нь Австрали улсын Brisbane хотод байдаг. CPA group нь одоогоор доорхи долоон чиглэлээр үйл ажиллагаа явуулж байна:

1. Техник-г хөгжүүлэх, ажиллах хүчийг чанаржуулах

2. Олон улсад хүлээн зөвшөөрөгдсөн аюулгүй ажиллагааны сургалтын хөтөлбөр боловсруулж хэрэгжүүлэх

3. Монгол улсын уул уурхай дэд бүтэц бусад салбарт аюулгүй байдлыг хангах

4. Сургалтын бааз, тоног төхөөрөмж бэлтгэх хөгжүүлэх

5. Харилцан ашигтай байх бизнесс-н бүхий л нөхцөлд хамтран ажиллахаар гэрээ байгуулан ажиллаж байна.

Шанжин-Орд ХХК

Казмон Контакт ХХК

Эй Эм Эф ХХК

Кевин Инвест ХХК

ХАОЁН ХХК

Жянси ХХК

Эм Ди Эф И ХХК

Яаньтай-Уул ХХК

Дунфанлунма ХХК

Мөнх Болор Хүрээ ХХК

МСТТ ХХК

Хэрлэн Импекс ХХК